Abdujalil Qoqonov - Ming Kecha

Yulduzli kechaga to‘libdi toring,
Kuygan yuragimning taftini olgin,
Meni tutaverar sening xumoring,
Ming kecha bo‘lmasa, bir kecha qolgin.

Ko‘nglim armonlari kulga aylansin,
Orzularim oppoq gulga aylansin,
Mayliga, shu oqshom yilga aylansin,
Ming kecha bo‘lmasa, bir kecha qolgin.

Ertani ko‘rish yo‘q, ham ortga qaytish,
Xayolga ergashib, telbadek daydish,
Hech kimga aytish yo‘q, hech kimga aytish,
Ming kecha bo‘lmasa, bir kecha qolgin.

Kulbamni yoritsin yuzlaring shami,
Labimdan ketmasin bo‘salar ta’mi,
Bo‘lardi umrimning eng shirin dami,
Ming kecha bo‘lmasa, bir kecha qolgin.

Iltijo qilaman “chiqma” deb kunga,
Ohimdan osmonlar to‘lsin tutunga,
Alishaman qolgan umrim shu tunga,
Ming kecha bo‘lmasa, bir kecha qolgin.

Ertani ko‘rish yo‘q, ham ortga qaytish,
Xayolga ergashib, telbadek daydish,
Hech kimga aytish yo‘q, hech kimga aytish,
Ming kecha bo‘lmasa, bir kecha qolgin.

Iltijo qilaman “chiqma” deb kunga,
Ohimdan osmonlar to‘lsin tutunga,
Alishaman qolgan umrim shu tunga,
Ming kecha bo‘lmasa, bir kecha qolgin.